பீகார் சட்டப்பேரவையில் சபாநாயகருக்கு எதிராக கொண்டு வரப்பட்ட நம்பிக்கையில்லா தீர்மானம் வெற்றி பெற்றதால் ராஷ்டிரிய ஜனதா தளத்தை சேர்ந்த சவுத்ரி பதவி விலகினார்.
பீகார் மாநிலத்தில் பா.ஜ.க, ஐக்கிய ஜனதா தளம் கூட்டணி அமைத்து தேர்தலை எதிர்கொண்டன. பா.ஜ.க.வுடன் கூட்டணியை முறித்துக் கொண்ட நிதிஷ்குமார், ஆர்.ஜே.டி, காங்கிரஸ், இடதுசாரிகள் கூட்டணி ஆதரவுடன் மீண்டும் முதலமைச்சராக பதவியேற்றார். துணை முதல் அமைச்சராக தேஜஸ்வி யாதவும் பதவியேற்றனர்.
அண்மையில் ராஷ்டிரிய ஜனதா தளம் கட்சியுடன் ஏற்பட்ட கருத்து வேறுபாட்டை தொடர்ந்து பதவி விலகிய நிதிஷ்குமார், பாஜக ஆதரவுடன் மீண்டும் முதலமைச்சராக பதவியேற்றார்.
இந்நிலையில், நிதிஷ்குமார் அரசு மீதான நம்பிக்கை வாக்கெடுப்பு இன்று நடைபெறுகிறது. அவை தொடங்கியவுடன் சபாநாயகருக்க எதிராக நம்பிக்கையில்லா தீர்மானம் கொண்டு வரப்பட்டது.இத்தீர்மானத்திற்கு ஆதரவாக 125 உறுப்பினர்களும், எதிராக 112 உறுப்பினர்களும் வாக்களித்தனர்.இதனையடுத்து தீர்மானம் வெற்றிகரமாக நிறைவேற்றப்பட்டது.
இதை தொடர்ந்து ராஷ்டிரிய ஜனதா தளத்தை சேர்ந்த சவுத்ரி பதவி விலகினார். இதனிடையே பெரும்பான்மை தொடர்பான மீதான விவாதம் நடைபெற்று வருகிறது.
