மகளிர் பிரீமியர் லீக் டி20 கிரிக்கெட் தொடரின் நேற்றையப் போட்டியில் பெங்களூரு சின்னசாமி மைதானத்தில் உ.பி. வாரியர்ஸ் அணிகள் 6 விக்கெட்கள் வித்தியாசத்தில் வெற்றி.
இந்தியாவில் பெண்களுக்கான மகளிர் பிரீமியர் லீக் ( WPL ) நடைபெற்று வருகிறது. இந்த தொடரில் மும்பை இந்தியன்ஸ், டெல்லி கேப்பிடல்ஸ், உ.பி. வாரியர்ஸ், குஜராத் ஜெயன்ட்ஸ், பெங்களூரு ராயல் சேலஞ்சர்ஸ் ஆகிய 5 அணிகள் பங்கேற்றுள்ளன.
இந்த தொடரில் எட்டாவது போட்டி இன்று பெங்களூரு சின்னசாமி மைதானத்தில் நடைபெற்றது. இதில் உ.பி. வாரியர்ஸ் மற்றும் குஜராத் ஜெயன்ட்ஸ் அணிகள் விளையாடியது.
இதில் டாஸ் வென்ற உ.பி. வாரியர்ஸ் அணி முதலில் பந்துவீச்சை தேர்வுசெய்தது. அதன்படி முதலில் பேட்டிங் செய்த குஜராத் ஜெயன்ட்ஸ் அணி 5 விக்கெட்கள் இழப்பிற்கு 142 ரன்களை எடுத்து ஆட்டமிழந்தது.
இதில் அதிகபட்சமாக சோஃபி எக்லெஸ்டோன் 3 விசிக்கெட்களை வீழ்த்தினார். ராஜேஸ்வரி 1 விக்கெட்டை வீழ்த்தினார். இதன் மூலம் உ.பி. அணிக்கு 143 ரன்கள் இலக்காக நிர்ணயிக்கப்பட்டது.
இதை தொடர்ந்து பேட்டிங் செய்த உ.பி.வாரியர்ஸ் அணி 16 வது ஓவரில் 4 விக்கெட்கள் இழப்பிற்கு 143 ரன்களை எடுத்து வெற்றி பெற்றது.
இதில் அதிகபட்சமாக கிரேஸ் ஹாரிஸ் 60 ரன்களை எடுத்து ஆட்டமிழக்காமல் இருந்தார். அதேபோல் அலிசா ஹீலி 33 ரன்களை எடுத்து ஆட்டமிழந்தார்.
அதேபோல் சமாரி 17 ரன்கள் எடுத்து ஆட்டமிழக்க, தீப்தி சர்மா 17 ரன்களை எடுத்து ஆட்டமிழக்காமல் இருந்தார். அதேபோல் குஜராத் அணியில் அதிகபட்சமாக தனுஜா கன்வர் 2 விக்கெட்களும், மேக்னா சிங் மற்றும் கேத்ரின் தலா 1 விக்கெட்டை வீழ்த்தினார். இதனால் உ.பி. வாரியர்ஸ் அணி 6 விக்கெட்கள் வித்தியாசத்தில் வெற்றி பெற்றது.
