ராமகிருஷ்ண மிஷன் தலைவர் மருத்துவமனையில் அனுமதி : உடல்நலம் குறித்து கேட்டறிந்தார் பிரதமர் மோடி!

கொல்கத்தா மருத்துவமனையில் அனுமதிக்கப்பட்டுள்ள ராமகிருஷ்ண மிஷன் தலைவர் ஸ்ரீமத் சுவாமி ஸ்மரணானந்தா ஜி மகராஜியை பிரதமர் மோடி நேரில் சந்தித்து  உடல்நலம் குறித்து கேட்டறிந்தார்.

மேற்கு வங்க மாநிலம் கொல்கத்தாவில் ஹவுரா மைதான் –  எஸ்பிளானேட் மெட்ரோ வழித்தடத்தில் நாட்டிலேயே முதல் முறையாக நீருக்கடியில் செல்லும் மெட்ரோ ரயில் சுரங்கப்பாதையை பிரதமர் மோடி இன்று தொடங்கி வைக்கிறார்.

இதற்காக நேற்று கொல்கத்தா சென்ற பிரதமர், மருத்துவமனையில் அனுமதிக்கப்பட்டுள்ள ராமகிருஷ்ண மிஷன் தலைவர் ஸ்ரீமத் சுவாமி ஸ்மரணானந்தா ஜி மகராஜியை நேரில் சந்தித்தார். அப்போது அவர் உடல் நலம் குறித்து மருத்துவர்களிடம் கேட்டறிந்தார். அவர் விரைவில் குணமடைய வேண்டியும் அவர் பிரார்த்தனை செய்தார்.

சுவாமி ஸ்மரணானந்தா ஜி மகராஜ் 1929 ஆம் ஆண்டு  தஞ்சாவூர் மாவட்டம்  அண்டாமி கிராமத்தில் பிறந்தவர். அவருக்கு 20 வயதான போது ராமகிருஷ்ணா ஆணையத்தின் மும்பை கிளையுடன் தொடர்பு ஏற்பட்டது. ஸ்ரீ ராமகிருஷ்ணர் மற்றும் சுவாமி விவேகானந்தரின் கொள்கைகளால் ஈர்க்கப்பட்ட அவர், 1952 இல் தனது 22 வயதில் மும்பை ஆசிரமத்தில் சேர்ந்தார். இதனால் துறவற வாழ்க்கையைத் தழுவினார்.

ராமகிருஷ்ண ஆணையின் ஏழாவது தலைவரான சுவாமி சங்கரனந்தா ஜி மகராஜ், அதே ஆண்டில் அவருக்கு மந்திர தீட்சை (ஆன்மீக தீட்சை) வழங்கினார். 1956ல் சுவாமி சங்கரநந்தா ஜி மஹராஜிடம் இருந்தும், 1956ல் பிரம்மச்சரிய சபதம், சன்னியாச சபதம், 1960ல் ‘சுவாமி ஸ்மரணானந்தா’ என்ற பெயரையும் பெற்றார்.