ஆஸ்திரேலியாவின் சிட்னி அருகே வணிக வளாகத்தில் நடந்த கத்திக்குத்து சம்பவத்தில், 6 பேர் உயிரிழந்தனர். ஒரு குழந்தை உட்பட 9 பேர் படுகாயமடைந்தனர்.
சிட்னி நகரில் பொண்டி ஜங்ஷன் பகுதியில் வணிக வளாகம் ஒன்று செயல்பட்டு வருகிறது. இங்கு ம் மக்களின் கூட்டம் அதிகமாக இருக்கும். இந்த வணிக வளாகத்தில் இன்று காலை வழக்கம்போல் வாடிக்கையாளர்கள் பொருட்களை வாங்கிக் கொண்டிருந்தனர்.
அப்போது வணிக வளாகத்திற்குள் நுழைந்த நபர் ஒருவர், தான் மறைத்து வைத்திருந்த கத்தியால் அங்கிருந்தவர்கள் மீது சரமாரியாக குத்தினார். இதனால், அதிர்ச்சி அடைந்த பொதுமக்கள் வணிக வளாகத்தை விட்டு வெளியே பதறி அடித்துக் கொண்டு ஓடினர்.
இதுகுறித்து அங்கு இருந்தவர்கள் போலீசாருக்கு தகவல் கொடுத்தனர். அதன் பேரில் விரைந்து சென்ற போலீசார், தாக்குதல் நடத்திய நபரை சுட்டுக் கொன்றனர்.
இந்த தாக்குதலில் 6 பேர் பரிதாபமாக உயிரிழந்தனர். மேலும், ஒரு குழந்தை உட்பட 9 பேர் படுகாயமடைந்தனர். போலீசார் படுகாயமடைந்தவர்களை மீட்டு, அருகிலுள்ள மருத்துவமனைக்கு அனுப்பி வைத்தனர். தாக்குதல் குறித்து போலீசார் தீவிர விசாரணை மேற்கொண்டு வருகின்றனர்.
