ஊட்டி, கொடைக்கானல் செல்லும் சுற்றுலா பயணிகளுக்கு மே 7 ம் தேதி முதல் ஜூன் 30ஆம் தேதி வரை இ-பாஸ் வழங்கும் நடைமுறையை அமல்படுத்த வேண்டும் என நீலகிரி, திண்டுக்கல் மாவட்ட ஆட்சியர்களுக்கு சென்னை உயர் நீதிமன்றம் உத்தரவு பிறப்பித்துள்ளது.
ஊட்டி, கொடைக்கானல் செல்லும் வாகனங்களால், சாலையில் நெரிசல் ஏற்பட்டு பல கிலோமீட்டர் துாரத்துக்கு அணிவகுத்து நிற்பது வாடிக்கை. இதை தவிர்க்க, மே 7 முதல் ஜூன் 30 வரை ‘இ-பாஸ்’ எடுக்க சென்னை உயர் நீதிமன்றம் உத்தரவிட்டுள்ளது.
இதற்கு தேவையான தொழில்நுட்ப உதவியை திண்டுக்கல், நீலகிரி மாவட்ட நிர்வாகங்களுக்கு மாநில அரசு ஏற்படுத்தி தர வேண்டும். இ-பாஸ் நடைமுறையை அகில இந்திய அளவில் அரசு விளம்பரப்படுத்த வேண்டும்.
உள்ளூர் மக்களுக்கு இந்த நடைமுறையில் இருந்து விலக்கு அளிக்கவும் சென்னை உயர் நீதிமன்றம் உத்தரவிட்டுள்ளது.
