பீகாரில் பிற்படுத்தப்பட்டோருக்கான 65 சதவீத இடஒதுக்கீட்டை பாட்னா உயர்நீதிமன்றம் ரத்து செய்துள்ளது.
பீகாரில் கல்வி, வேலைவாய்ப்பில் பின்தங்கிய பிரிவினர் மற்றும் பட்டியலினத்தவர்களுக்கான இடஒதுக்கீட்டை 50 சதவீதத்திலிருந்து 65 சதவீதமாக உயர்த்தி, மாநில அரசு சட்டம் நிறைவேற்றியது.
பீகாரில் நடத்தப்பட்ட மக்கள்தொகை கணக்கெடுப்பின் அடிப்படையில், பின்தங்கிய பிரிவினருக்கான இடஒதுக்கீடு அதிகரிக்கப்பட்டது.
அந்த வகையில் பொருளாதாரத்தில் பின்தங்கிய பிரிவினருக்கான 10 சதவீத இடஒதுக்கீட்டையும் சேர்த்து பீகாரில் 75 சதவீத இடஒதுக்கீடு அமலுக்கு வந்தது.
இந்த நிலையில், மாநில அரசின் சட்டத்திருத்தத்தை எதிர்த்து பாட்னா உயர்நீதிமன்றத்தில் தொடரப்பட்ட வழக்கு விசாரணைக்கு வந்தது.
வழக்கை விசாரித்த நீதிபதிகள், பின்தங்கிய பிரிவினர் மற்றும் பட்டியலினத்தவர்களுக்கான 65 சதவீத இடஒதுக்கீடானது, அரசியலமைப்பு சட்டப் பிரிவின் 14, 15 மற்றும் 16-இன்கீழ், சமத்துவத்துக்கு எதிரானது என்று கூறி, அதற்கு தடை விதித்து உத்தரவிட்டுள்ளனர்.
