டெல்லி கலால் முறைகேடு வழக்கில் அம்மாநில முதல்வர் அரவிந்த் கெஜ்ரிவால் உள்ளிட்ட இருவரது நீதிமன்றக் காவல் ஜூலை 12-ஆம் தேதி வரை நீட்டிக்கப்பட்டுள்ளது.
டெல்லி மதுபான கொள்கையை வகுத்து நடைமுறைப்படுத்தியதில் முறைகேடு நடைபெற்றதாக குற்றச்சாட்டு எழுந்தது.
இந்தப் புகாரில் டெல்லி முதல்வர் அரவிந்த் கெஜ்ரிவால், வினோத் சவுகான் உள்ளிட்டோர் அமலாக்கத் துறையினரால் கைது செய்யப்பட்டு திகார் சிறையில் அடைக்கப்பட்டுள்ளனர்.
அவர்களது நீதிமன்றக் காவல் நிறைவடைந்த நிலையில், இருவரும் காணொலி வாயிலாக ரோஸ் அவென்யூ நீதிமன்றத்தில் ஆஜர்படுத்தப்பட்டனர்.
அப்போது அவர்களது நீதிமன்றக் காவலை ஜூலை 12-ஆம் தேதி வரை நீட்டித்து நீதிபதி உத்தரவிட்டார்.
