எத்தியோப்பியா நாட்டிலிருந்து கடத்தி வரப்பட்ட 10 கோடி ரூபாய் மதிப்பிலான கொகைன் போதைப் பொருள் சென்னை விமான நிலையத்தில் பறிமுதல் செய்யப்பட்டது.
சென்னைக்கு விமானம் மூலமாக போதைப் பொருள் கடத்தி வரப்படுவதாக மத்திய போதைப் பொருள் தடுப்பு பிரிவுக்கு ரகசிய தகவல் கிடைத்தது.
அதன் பேரில் சென்னை விமான நிலையத்தில் சுங்கத்துறை அதிகாரிகளுடன் இணைந்து மத்திய போதைப் பொருள் தடுப்பு பிரிவினர் தீவிர கண்காணிப்பில் ஈடுபட்டனர்.
அப்போது எத்தியோப்பியா தலைநகர் அடீஸ் அபாபா நகரில் இருந்து விமானம் மூலம் வந்த நைஜீரிய பெண் பயணி ஒருவரின் நடவடிக்கையில் சந்தேகம் ஏற்பட்டுள்ளது.
இதனையடுத்து அவரை தனி அறைக்கு அழைத்துச் சென்று சோதனை நடத்தியதில், அவர் கொண்டு வந்த ட்ராலியின் அடிப்பாகத்தில் ரகசிய அறை அமைத்து 10 கோடி ரூபாய் மதிப்புள்ள கொகைனை கடத்தி வந்தது தெரியவந்தது.
இதனையடுத்து அவற்றை பறிமுதல் செய்த போலீசார், நைஜீரியா பெண் பயணியிடம் தொடர் விசாரணையில் ஈடுபட்டனர். அப்போது கொகைனை சென்னையில் இருந்து ரயில் மூலம் மும்பைக்கு மற்றும் டெல்லிக்கும் கடத்திச் செல்லப்படவிருந்தது தெரியவந்தது.
