சென்னை டிபிஐ வளாகத்தை முற்றுகையிட முயன்ற 300க்கும் மேற்பட்ட ஆசிரியர்களை போலீசார் கைது செய்தனர்.
தமிழ்நாடு தொடக்க கல்வி ஆசிரியர் இயக்கங்களின் கூட்டு நடவடிக்கை குழு (டிட்டோஜாக்) பேரமைப்பின் சார்பில் 31 அம்ச கோரிக்கைகளை வலியுறுத்தி சென்னை நுங்கம்பாக்கம் டிபிஐ வளாகத்தை முற்றுகையிடப்போவதாக அறிவித்தனர்.
இதனை தொடர்ந்து டிபிஐ வளாகத்தில் ஏராளமான போலீசார்கள் குவிக்கப்பட்டனர். 31 அம்சக் கோரிக்கைகளை வலியுறுத்தி டிபிஐ வளாகத்ததை முற்றுகையிட வந்த ஆசிரியர்களை போலீசார் கைது செய்து நுங்கம்பாக்கத்தில் உள்ள தனியார் மண்டபத்திற்கு அழைத்து சென்றனர்.
300க்கும் மேற்பட்ட ஆசிரியர்கள் கைது செய்யப்பட்டுள்ள நிலையில், வரும் 31ஆம் தேதி வரை டிபிஐ வளாகத்தில் போலீசார் பாதுகாப்பு பணியில் ஈடுபடுவார்கள் என தெரிவிக்கப்பட்டுள்ளது.
காவலர்களின் பாதுகாப்பை மீறி டிபிஐ வளாகத்திற்கு உள்ளே செல்ல முயன்ற ஆசிரியர்களை போலீசார் குண்டுக்கட்டாக கைது செய்ததால் அந்த பகுதியில் சிறுது நேரம் பரபரப்பு ஏற்பட்டது.
