பயிற்சி மையங்களால் போட்டித் தேர்வு வணிகமயமாகிவிட்டதாக மாநிலங்களவைத் தலைவர் ஜெகதீப் தன்கர் வேதனை தெரிவித்துள்ளார்.
டெல்லி பழைய ராஜேந்தர் நகரில் ஐஏஎஸ் பயிற்சி மையத்தில் போட்டித் தேர்வுக்குத் தயாரான 3 பேர், வெள்ள பாதிப்பில் சிக்கி உயிரிழந்தனர். இந்த விவகாரம் தொடர்பாக மாநிலங்களவையில் விவாதிக்குமாறு உறுப்பினர்கள் நோட்டீஸ் தாக்கல் செய்தனர்.
இதன் மீது பேசிய மாநிலங்களவைத் தலைவர் ஜெகதீப் தன்கர், இளைஞர்களின் சக்தியை பெருக்க வேண்டிய அதேவேளையில், தேர்வு பயிற்சி மையங்களால் போட்டித் தேர்வு வணிகமயமாகி விட்டதாக வேதனை தெரிவித்தனர்.
ஒவ்வொரு முறையும் நாளிதழ்களைத் திருப்பும் போதெல்லாம் முதல் இருபக்கங்கள் பயிற்சி மைய விளம்பரங்கள் இடம்பெறுவதாக ஜெகதீப் தன்கர் சுட்டிக்காட்டினார்.
