மணிப்பூரில் பெய்த பலத்த மழையால் பொதுமக்கள் அவதியடைந்தனர்.
மணிப்பூரில் கடந்த மாதம் பெய்த மழையால் பொதுமக்கள் கடும் இன்னலுக்கு ஆளாகினர். பின்னர், சீரடைந்த நிலையில், தெளபால் மாவட்டத்தில் மீண்டும் மழை வெளுத்து வாங்கியது. தாழ்வான பகுதியில் தண்ணீர் தேங்கியதால் படகு மூலம் பொதுமக்கள் பாதுகாப்பான இடத்துக்குச் சென்றடைந்தனர்.
ராஜஸ்தான் மாநிலம் அஜ்மீர் பகுதியில் பெய்த கனமழை காரணமாக அங்குள்ள செயற்கை ஏரி நிரம்பி வழிந்தது. இதனால் வெள்ளம் பெருக்கெடுத்து விவசாய நிலத்தில் பாய்ந்தது.
மகாராஷ்டிர மாநிலம் நாசிக்கில் கனமழை பெய்ததால், கோதாவரி ஆற்றில் அபாய கட்டத்தைத் தாண்டி வெள்ளப் பெருக்கு ஏற்பட்டது. தாழ்வான பகுதியில் தண்ணீர் தேங்கியதால், பொதுமக்களுக்கு எச்சரிக்கை விடுக்கப்பட்டது.
