கோவையில் என்ஐஏ அலுவலகம் – மத்திய அமைச்சர் எல்.முருகன் தகவல்!

ஊடகங்கள் மற்றும் யூடியூப் உள்ளிட்டவைகளை நெறிமுறைப்படுத்த புதிய மசோதா கொண்டு வரப்படும்” என்றும் மத்திய அமைச்சர் எல்.முருகன் தெரிவித்துள்ளார்.

கோவை ஆவாரம்பாளையம் பகுதியில் தனியார் அறக்கட்டளை சார்பில், மத்திய அரசின் மக்கள் மருந்தகம் திறப்பு விழா  நடைபெற்றது. மத்திய இணை அமைச்சர் எல்.முருகன் மக்கள் மருந்தகத்தை திறந்து வைத்த பின் செய்தியாளர் சந்தித்தார். அவர் கூறியதாவது:

மலிவு விலை மருந்துகள் அனைவருக்கும் சென்று சேர வேண்டும் எனபதற்காக இந்த மருந்தகம் திறக்கப்பட்டுள்ளதாகவும் மார்கெட் விலையை விட
குறைவான விலைக்கு மருந்துகள் வழங்கப்படுகின்றது. இந்த திட்டம் இந்தியா முழுவதும்  செயல்படுத்தப்படுவதாக அவர் தெரிவித்தார்.

மேலும் விநாயகர் சதுர்த்தி ஊர்வலம் விமர்சையாக இன்று கொண்டாடப்படுகின்றது.
நாளை மறு தினம் கோவையில் நடைபெறும் விழாவில் நான் பங்கேற்கின்றேன். இந்துகளின் ஒற்றுமைக்காக பாலகங்காதார திலகர் விநாயகர் சதுர்த்தி ஊர்வலத்தை துவங்கினர். தமிழகம் முழுவதும் 50 ஆண்டுகளுக்கு மேலாக நடைபெறுவதாகவும் அவர் தெரிவித்தார்.

மத்திய கல்விதுறை அமைச்சர் , தமிழக முதல்வருக்கு தெளிவாக கடிதம் எழுதி இருக்கின்றார். பி.எம்.ஸ்ரீ பள்ளிக்கு தமிழக அரசு ஒப்புதல் கொடுத்தனர். அதை நடைமுறை படுத்த வேண்டும் என்று கடிதம் எழதினால் அரசிடம் இருந்து எந்த பதிலுமில்லை.  புதிய தேசிய கல்வி கொள்கை அனைத்து மக்களிடம் கருத்து கேட்கப்பட்டு கொண்டு வரப்பட்டது.

ஏ ஐ தொழில் நுட்பங்களை நிறுத்த முடியாது. நாளிதழ், டிவி தாண்டி செல்போன் வந்துள்ளது.  இப்பொது ஏ ஐ வந்துள்ளது. ஆக்கப்பூர்வமான விடயங்ளுக்கு பயன்படும்.முறையாக நாட்டின் வளர்ச்சிக்கு பயன்படுத்தும் வகையில் திட்டமிட வேண்டும் எனவும் அவர் தெரிவித்தார்.

தமிழகத்தின் சட்டம் ஒழுங்கு சந்தி சிரிப்பதாகவும் சட்டம் ஒழுங்கை பற்றி கவலை இல்லாமல் இருக்கின்றனர். ஆட்சியாளர்களின் திறமையற்ற ஆட்சியால் சட்டம் ஒழுங்கு சீர்கெடுவதாக தெரிவித்த அவர், என்ஐஏ அலுவலகம் கோவை  வர வாய்ப்பு இருப்பதாகவும் தெரிவித்தார்.

மேலும் மொபைல் போன் வைத்திருப்பவர்கள் எல்லாரும் செய்தியாளர் என்கின்றனர்.
இதை முறைபடுத்த நடவடிக்கைகள் எடுக்கபட்டு வருவதாகவும்,
இதற்காக புதிய பிராட்காஸ்டிங் மசோதா வர உள்ளதாகவும் கூறினார். . இதற்காக பொது மக்கள் கருத்துகள் கேட்கப்பட்டு வருவதாகவும் தெரிவித்தார்.

மேலும் செய்தியின் தன்மை, பொது விடயங்களுக்கு ஆக்கப்பூர்வமான செய்திகளை எடுத்து செல்வதாக இருக்க வேண்டும். யூ டியூப், இணைய ஊடகங்கள் பொறுப்புணர்வுடன் செயல்பட வேண்டும் எனக்கேட்டுக்கொண்ட அவர்,
தேசத்திற்கு எதிரான கருத்துகளை சொல்லும் 69 யூ டியூப் சேனல்கள் முடக்கி இருப்பதாகவும் அவர் தெரிவித்தார்.

விஜய் கட்சி ஆரம்பித்து இருப்பதற்கு வாழ்த்துகள் என தெரிவித்த எல்.முருகன், மாநாடு நடத்த தமிழக அரசு ஏன் பயப்படுகின்றனர் என தெரியவில்லை
மாநாட்டிற்கு அனுமதி இல்லை என்று யாரும் சொன்னதாக தெரியவில்லை.
ஊடகங்கள் தான் இந்த விவாகரத்தை ஊதி பெரிதாக்குகின்றனர்.யார் கட்சி ஆரம்பித்தாலும் இது போன்ற நடைமுறைகள் கேள்விகள் கேட்பது தான் எனவும்  எல்.முருகன் தெரிவித்தார்.