இலங்கை கடற்கொள்ளையர்கள் மற்றும் கடற்படையினரை கண்டித்து நாகை மாவட்ட மீனவர்கள் வேலைநிறுத்த போராட்டத்தில் ஈடுபட்டுள்ளனர்.
கடந்த சில தினங்களுக்கு முன்பு நடுக்கடலில் மீன்பிடித்து கொண்டிருந்த நாகை மாவட்டம் செருதூர் பகுதி மீனவர்களை தாக்கி இலங்கை கடற்கொள்ளையர்கள் மீன்பிடி உபகரணங்களை கொள்ளையடித்து சென்றனர்.
இரு தினங்களுக்கு முன்பு நாகை மீனவர்களின் படகு மீது இலங்கை கடற்படையினர் கப்பல் மோதிய விபத்தில் 4 மீனவர்கள் காயமடைந்தனர்.
இந்நிலையில், தமிழக மீனவர்கள் தாக்கப்படும் சம்பவங்களை கண்டித்து செருதூர் பகுதி மீனவர்கள் வேலைநிறுத்தப் போராட்டத்தில் ஈடுபட்டுள்ளனர்.
இந்த போராட்டத்தில் 2 ஆயிரத்து 500க்கும் மேற்பட்ட மீனவர்கள் கலந்து கொண்டுள்ள நிலையில், 400க்கும் மேற்பட்ட பைபர் படகுகள் கரையோரம் நிறுத்தி வைக்கப்பட்டுள்ளன.
