மது ஒழிப்பில் பாமக Phd முடித்துள்ளதாகவும், திருமாவளவன் தற்போது தான் LKG வந்துள்ளதாகவும் ன பாமக தலைவர் அன்புமணி ராமதாஸ் விமர்சித்துள்ளார்.
மதுரை விமான நிலையத்தில் செய்தியாளர்களிடம் பேசிய அவர், அமைச்சரவையில் பங்கு வேண்டும் என திருமாவளவன் பதிவிட்டது மிகவும் சரியானது என்று வீடியோவை நீக்கியது தான் தவறு என தெரிவித்தார்.
திருமாவளவன் மது ஒழிப்பு மாநாட்டை நடத்தட்டும் ஆனால் தங்கள் கட்சியை பற்றி அவதூறு பேசக்கூடாது என்றும் அவர் கூறினார். மதுபான நிறுவன முதலாளிகள் டி.ஆர். பாலு, ஜெகத்ரட்சகனுக்கு தேர்தலில் பிரச்சாரம் செய்தது ஏன் என்றும் அன்புமணி ராமதாஸ் கேள்வி எழுப்பினார்.
எந்த கட்சி மது ஒழிப்பிற்கு எதிராக கூட்டம், மாநாடு நடத்தினாலும் ஆதரிப்போம் என்றும் திருமாவளவன் அழைத்தாலும் அழைக்காவிட்டாலும் விசிக மாநாட்டை பாமக ஆதரிக்கும் என்றும் அன்புமணி தெரிவித்தார்.
