எல்லை தாண்டி மீன்பிடித்த இலங்கை மீனவர்கள் மூன்று பேரை இந்திய கடலோர காவல் படையினர் கைது செய்தனர்.
ராமநாதபுரம் மாவட்டம் தொண்டி கடல் பகுதியில் சந்தேகத்திற்கிடமாக பைபர் படகு நின்று கொண்டிருந்தது.
அப்போது, அந்த பகுதியில் ரோந்து பணியில் ஈடுபட்ட இந்திய கடலோர காவல் படையினர், இலங்கையைச் சேர்ந்த 3 மீனவர்களை கைது செய்தனர்.
இதனை தொடர்ந்து, மண்டபம் கடலோர காவல்படை முகாமிற்கு அழைத்து சென்று விசாரித்தபோது, காற்றின் வேகம் காரணமாக படகு திசை மாறி இந்திய கடற்பரப்புக்குள் வந்ததாக இலங்கை மீனவர்கள் தெரிவித்துள்ளனர்.
எல்லை தாண்டி மீன்பிடிக்க வந்தார்களா அல்லது சட்டவிரோத செயலில் ஈடுபட வந்தார்கள் என்பது குறித்து முழு விசாரணைக்கு பிறகே தெரியவரும் என கடலோர காவல்படை அதிகாரிகள் தெரிவித்துள்ளனர்.
