பாஜக உறுப்பினர் சேர்க்கையை மேலும் தீவிரப்படுத்த வேண்டும் – மாநில தலைவர் அண்ணாமலை வேண்டுகோள்!

தமிழகத்தில் பாஜக உறுப்பினர் சேர்க்கையை மேலும் தீவிரப்படுத்த வேண்டும் என  கட்சியினருக்கு, பாஜக மாநிலத் தலைவர் அண்ணாமலை அறிவுறுத்தி உள்ளார். இதுதொடர்பாக அவர் வீடியோ பதிவு ஒன்றை வெளியிட்டுள்ளார்.

பாஜக மூத்த தலைவர் ஹெச்.ராஜா தலைமையில் உறுப்பினர் சேர்க்கையில் தீவிரமாக ஈடுபட்டுள்ளீர்கள். கடந்த சில நாட்களாக களத்தில் கடுமையாக உழைத்து வருகிறீர்கள். இன்னும் கடுமையாக உழைக்க வேண்டும். அனைவரும் நம்மை கவனிக்கின்றனர். நமது இலக்கு மிகப்பெரியது.  மக்களின் அன்பு பாஜக பக்கம் வர தொடங்கியுள்ளது.

பாஜக உறுப்பினர் சேர்க்கையை மேலும் தீவிரப்படுத்த வேண்டும்.பாஜகவில் இணைய பலரும் ஆர்வமாக உள்ளனர்.ஒரு பூத்திற்கு 200 பேரை இணைக்க வேண்டும். மிஸ்டு கால் கொடுக்க வைத்து புதிய உறுப்பினர்களை இணைக்கலாம்.. களத்தில் இருந்து புதிய உறுப்பினர்களை இணைக்க வேண்டும் என அண்ணாமலை கேட்டுக்கொண்டுள்ளார்.