சொந்த ஊர் செல்லும் மக்கள் – ஈரோடு ரயில் நிலையத்தில் அலைமோதிய கூட்டம்!

தீபாவளி பண்டிகையை முன்னிட்டு சொந்த ஊர் செல்ல ஏராளமான பொதுமக்கள் ஈரோடு ரயில் நிலையத்தில் குவிந்தனர்.

இதே போன்று வெளியூரில் தங்கியிருந்தவர்களும் ஈரோட்டிற்கு ரயில் மூலம் வருகை தருவதால் பயணிகள் கூட்டம் அதிகரித்து காணப்பட்டது.

இதனையடுத்து பாதுகாப்பு முன்னெச்சரிக்கை நடவடிக்கையாக பயணிகளின் உடைமைகளை ஈரோடு ரயில்வே பாதுகாப்பு போலீசார் சோதனை செய்தனர். கூட்டம் அலைமோதியதன் காரணமாக வயதானவர்கள், கர்ப்பிணிகள் மற்றும் குழந்தைகள் நெரிசலில் சிக்கி சிரமத்துக்கு ஆளாகினர்.