தமிழ்நாடு மற்றும் புதுச்சேரியில் பொதுமக்கள் தீபாவளி பண்டிகையை உற்சாகத்துடன் கொண்டாடி வருகின்றனர்.
சென்னையில் வசிக்கும் மக்கள் அதிகாலை முதலே தீபாவளி பண்டிகையை கோலாகலமாக கொண்டாடி வருகின்றனர். புத்தாடை உடுத்தி உறவினர்களுக்கு இனிப்புகள் வழங்கியும், பட்டாசுகளை வெடித்தும் தங்கள் மகிழ்ச்சியை வெளிப்படுத்தினர்.
திருநெல்வேலியில், சிறுவர்கள் பட்டாசு வெடித்து தீபாவளியை உற்சாகமாக கொண்டாடினர். நண்பர்கள் மற்றும் பெற்றோர்களுடன் சேர்ந்து பட்டாசு வெடித்தும், இனிப்புகளை பகிர்ந்தும் அவர்கள் தங்களது மகிழ்ச்சியை வெளிப்படுத்தினர்.
அதேபோல் திருச்சியிலும் பொதுமக்கள் புத்தாடை உடுத்தி, பட்டாசு வெடித்து தீபாவளி பண்டிகையை மகிழ்ச்சியுடன் கொண்டாடினர். பெரியவர்களுடன், சிறுவர்களும் சேர்ந்து மத்தாப்பு கொளுத்தி தங்களது மகிழ்ச்சியை வெளிப்படுத்தினர்.
புதுச்சேரியில் பொதுமக்கள் தங்கள் குடும்பத்தினருடன் இணைந்து தீபாவளியை கொண்டாடினர். பெரியவர்கள் மட்டுமின்றி சிறுவர்களும் அதிகாலை முதலே பட்டாசு வெடித்து உற்சாக கொண்டாட்டத்தில் ஈடுபட்டனர்.
