சேலம் அருகே மது போதையில் இருந்த இளைஞர்கள் இடையே ஏற்பட்ட மோதலில் பத்துக்கும் மேற்பட்டோருக்கு மண்டை உடைந்து மருத்துவமனையில் அனுமதிக்கப்பட்டுள்ளனர்.
சேலம் மாவட்டம் சித்தர் கோவில் அருகே உள்ள செம்மண் திட்டு கிராமத்தில் இளைஞர்கள் சிலர் மது அருந்துவிட்டு தீபாவளி கொண்டாடத்தில் ஈடுபட்டுள்ளனர்.
அப்போது, அந்த வழியாக வந்த கொத்தனூர் கிராமத்தை சேர்ந்த இளைஞர்களுக்கும், செம்மண் திட்டு கிராமத்தை சேர்ந்த இளைஞர்களுக்கும் இடையே முதலில் வாக்குவாதம் ஏற்பட்டு, பின்னர் மோதல் வெடித்துள்ளது.
மேலும், கொத்தனூர் பகுதி இளைஞர்கள், தங்கள் பகுதி ஊர் மக்களை அழைத்து வந்து செம்மண் திட்டு பகுதியை சேர்ந்த இளைஞர்களை சரமாரியாக தாக்கி உள்ளனர். இதில், பத்துக்கும் மேற்பட்ட இளைஞர்களுக்கு மண்டை உடைந்தது.
படுகாயம் அடைந்த இளைஞர்கள் சேலம் அரசு மருத்துவமனையில் சிகிச்சைக்காக அனுமதிக்கப்பட்டுள்ளனர். இந்த சம்பவம் குறித்து போலீசார் விசாரணை மேற்கொண்டுள்ளனர்.
