மறைந்த நடிகர் தியாகராஜ பாகவதரின் 64வது நினைவு தினத்தையொட்டி திருச்சியில் உள்ள அவரது நினைவிடத்தில் ஏராளமான ரசிகர்கள் அஞ்சலி செலுத்தினர்.
தென்னிந்தியாவின் சூப்பர் ஸ்டார் என்று அழைக்கப்பட்ட தியாகராஜ பாகவதர், 1959ம் ஆண்டு நவம்பர் 1ம் தேதி காலமானார்.
இதை தொடர்ந்து ஒவ்வொரு ஆண்டும் அவரது நினைவு நாளன்று ஏராளமான ரசிகர்கள் அவரது நினைவிடத்தில் அஞ்சலி செலுத்துவது வழக்கமாக உள்ளது. அந்த வகையில் இன்று தியாகாரஜ பாகவதரின் 64ம் ஆண்டு நினைவு தினம் அனுசரிக்கப்பட்டது. இதையொட்டி திருச்சி செந்தண்ணீர்புரத்தில் உள்ள அவரது நினைவிடத்திற்கு வருகை தந்த ரசிகர்கள், மலர்களை வைத்து மரியாதை செலுத்தினர்.
அதேபோல், விஸ்வகர்மா மகாஜனசபை நிர்வாகிகளும், திரளான பொதுமக்களும் அவரது நினைவிடத்தில் மலர்தூவி மரியாதை செலுத்தினர்.
