சென்னையில் பட்டாசு வெடிப்பதில் ஏற்பட்ட தகராறில் 17 வயது சிறுவன் அடித்துக் கொலை செய்யப்பட்ட சம்பவம் அதிர்ச்சியை ஏற்படுத்தியுள்ளது.
ராயப்பேட்டை அம்பேத்கர் நகரை சேர்ந்த சங்கர் என்பவரின் மகன் ஷாம், தீபாவளி பண்டிகையை ஒட்டி தனது நண்பர்களுடன் சேர்ந்து ஐஸ் ஹவுஸ் பகுதிக்கு சென்றுள்ளார்.
அப்போது அங்கு பட்டாசு வெடிப்பதில் ஏற்பட்ட தகராறில் அங்கிருந்த கார்த்திக் என்ற இளைஞர், ஷாம்-ஐ தாக்கியுள்ளார். இதில் சிறுவன் ஷாம் மயக்கமடைந்த நிலையில், நண்பர்கள் அவரை மருத்துவமனைக்கு அழைத்துச்சென்றுள்ளனர்.
தொடர்ந்து ஷாம்மை பரிசோதித்த மருத்துவர்கள், அவர் ஏற்கனவே இறந்துவிட்டதாக தெரிவித்தனர். இதையடுத்து சம்பவம் குறித்து வழக்குப்பதிவு செய்த போலீசார், சிறுவனை அடித்துக் கொலை செய்துவிட்டு தலைமறைவான கார்த்திக் என்பவரை தேடி வருகின்றனர்.
