முத்துராமலிங்க தேவரின் தங்கக் கவசம் வங்கியில் ஒப்படைக்கப்பட்டது!

பசும்பொன்னில் முத்துராமலிங்க தேவருக்கு அணிவிக்கப்பட்டிருந்த தங்கக் கவசம் போலீசார் பாதுகாப்புடன் மதுரையில் உள்ள வங்கியில் ஒப்படைக்கப்பட்டது.

முத்துராமலிங்க தேவரின் 117வது ஜெயந்தி மற்றும் 62வது குருபூஜை விழா அக்டோபர் 30ம் தேதி கொண்டாடப்பட்டது. இதற்காக அதிமுக சார்பில் வழங்கப்பட்ட தங்கக்கவசம் முத்துராமலிங்க தேவர் சிலைக்கு அணிவிக்கப்பட்டது.

இந்நிலையில், தேவர் ஜெயந்தி முடிந்தவுடன் தங்கக்கவசத்தை அதிமுக நிர்வாகிகள் மீண்டும் பெற்றுக்கொண்டனர். தொடர்ந்து போலீசார் பாதுகாப்புடன் மதுரை அண்ணாநகரில் உள்ள வங்கியில் தங்கக் கவசத்தை அதிமுக நிர்வாகிகள் மீண்டும் ஒப்படைத்தனர்.