பிரதமர் மோடியின் கடந்த 10 ஆண்டு கால ஆட்சியில் இந்தியா மிகப் பெரிய முன்னேற்றம் அடைந்துள்ளதாக மத்திய வெளியுறவுத்துறை அமைச்சர் ஜெய்சங்கர் பெருமிதம் தெரிவித்துள்ளார்.
அரசுமுறைப் பயணமாக ஆஸ்திரேலியா சென்ற மத்திய வெளியுறவுத்துறை அமைச்சர் ஜெய்சங்கர், குயின்ஸ்லாந்து பல்கலைக் கழகத்தில் பேசினார். அப்போது, பிரிஸ்பேனில் உள்ள துடிப்பான இந்தியர்களை சந்தித்து உரையாடுவதில் மகிழ்ச்சி அடைவதாக தெரிவித்தார்.
மேலும், இருநாடுகளிடையே கல்வி மற்றும் ஆராய்ச்சி குறித்த பரிமாற்றம் பயனுள்ளதாக இருந்ததாக தெரிவித்தார். ஆஸ்திரேலியாவில் பல்வேறு நிகழ்ச்சிகளில் பங்கேற்கும் அவர், வரும் 8-ம் தேதி சிங்கப்பூரில் நடைபெறும் ஆசியான் வட்டமேசை மாநாட்டில் உரையாற்ற உள்ளார்.
