புதிதாக கட்சி தொடங்குபவர்கள் திமுக அழிய வேண்டும் என பேசுவதாகவும், அவர்களுக்கு பதில் சொல்லி நேரத்தை வீணடிக்க விரும்பவில்லை என முதலமைச்சர் ஸ்டாலின் தெரிவித்துள்ளார்.
சென்னை கொளத்தூர் தொகுதியில் நலத்திட்ட உதவிகள் வழங்கும் விழாவில் முதலமைச்சர் ஸ்டாலின் உரையாற்றினார். அப்போது, திமுக ஆட்சி எதுவும் செய்யவில்லை என சிலர் குறை கூறி வருவதாகவும், அவர்களுக்கு திமுக வளர்வது பிடிக்கவில்லை எனவும் விமர்சித்தார்.
திமுக ஆட்சியின் மூன்றரை ஆண்டுகள் சாதனைகளை விமர்சனம் செய்பவர்கள் எண்ணிப் பார்க்க வேண்டும் என்றும், , ஒரே வார்த்தையில் சொல்ல வேண்டுமென்றால் வாழ்க வசவாளர்கள் என முதலமைச்சர் ஸ்டாலின் தெரிவித்தார்.
