கும்பகோணத்தில் தனியார் பேருந்து ஓட்டுநர், நடத்துனர் மீது தாக்குதல் – இருவர் கைது!

தஞ்சை மாவட்டம் கும்பகோணத்தில் தனியார் பேருந்தை வழிமறித்து நடத்துனர் மீது தாக்குதல் நடத்திய இருவரை போலீசார் கைது செய்தனர்.

கும்பகோணத்தில் இருந்து தஞ்சை நோக்கி தனியார் பேருந்து சென்றுக்கொண்டிருந்தது. அப்போது, அய்யம்பேட்டை அருகே சென்றபோது அஜித்குமார் என்ற இளைஞர் தனது மனைவி, குழந்தையை பேருந்தில் ஏற்றியுள்ளார். அப்போது பொறுமையாக ஏறியதால், அவர்களிடம் நடத்துநர் வாக்குவாதத்தில் ஈடுபட்டதாக கூறப்படுகிறது.

இதனால் ஆத்திரமடைந்த அஜித்குமார், தனது இருசக்கர வாகனத்தில் பேருந்தை விரட்டிச் சென்று நடத்துனரை சரமாரியாக தாக்கியுள்ளார்.இதுகுறித்து நடத்துனர் சதீஷ்குமார் புகாரளித்த நிலையில், சம்பவம் தொடர்பாக அஜித்குமார் உள்பட 2 பேரை போலீசார் கைது செய்தனர்.