கோவை மாவட்டம் சூலூர் அருகே லாரி வருவதை அறியாமல் சாலையை கடக்க முயன்ற பள்ளி மாணவியை நொடிப்பொழுதில் காப்பாற்றிய காவலரை பலரும் பாராட்டி வருகின்றனர்.
கோவை மாவட்டம் சூலூர் அடுத்த கலங்கல் நாலு ரோடு பகுதி போக்குவரத்து நெரிசலுடன் காணப்படுவது வழக்கம். இதனால் போக்குவரத்து நெரிசலை கட்டுப்படுத்த அப்பகுதியில் காவலர்கள் பணி அமர்த்தப்பட்டுள்ளனர்.
இந்நிலையில் எதிரில் லாரி வருவதை அறியாமல் பள்ளி மாணவி சாலையைக் கடக்க முயன்றார். அப்போது அங்கு பணியில் ஈடுபட்டிருந்த ஆயுதப்படை காவலர் செல்வ கணேஷ் துரிதமாக செயல்பட்டு மாணவியை பிடித்து இழுத்து நொடிப்பொழுதில் காப்பாற்றினார்.
இது குறித்த வீடியோ காட்சி சமூக வலைதளங்களில் வைரலாகி வரும் நிலையில் காவலர் செல்வ கணேஷை பலரும் பாராட்டி வருகின்றனர்.
