பாம்பன் புதிய ரயில் பாலத்தில், கன்னியாகுமரி – ராமேஸ்வரம் பயணிகள் ரயில் காலி பெட்டிகளுடன் இயக்கப்பட்டது..
பாம்பன் புதிய பாலம் 545 கோடி ரூபாய் மதிப்பீட்டில், செங்குத்து வடிவில் திறந்து மூடக்கூடிய வகையில் பல்வேறு சிறப்பம்சங்களுடன் கட்டப்பட்டுள்ளது.
இந்நிலையில், பாம்பன் பாலத்தில் கன்னியாகுமரி – ராமேஸ்வரம் பயணிகள் ரயில் காலிப்பெட்டிகளுடன் இயக்கப்பட்டது. மண்டபம் ரயில் நிலையத்தில் இருந்து காலை 6 மணிக்கு புறப்பட்ட இந்த ரயில் 25 நிமிடங்களில் ராமேஸ்வரம் சென்றடைந்தது.
கன்னியாகுமரி – ராமேஸ்வரம், திருப்பதி – இராமேஸ்வரம் ஆகிய ரயில்களின் பராமரிப்பு பணிகள் ராமேஸ்வரம் ரயில் நிலையத்தில் நடைபெறும் என ஏற்கனவே அறிவிக்கப்பட்டு இருந்தது குறிப்பிடத்தக்கது.
