அமெரிக்க அதிபர் டொனால்டு டிரம்பின் நிர்வாகத்திலிருந்து வெளியேறுவதாகத் தொழிலதிபர் எலான் மஸ்க் அறிவித்துள்ளார்.
டிரம்பின் நெருக்கமான நண்பர் எலான் மஸ்க். இவர் ஸ்பேஸ் எக்ஸ், டெஸ்லா, எக்ஸ் சமூக வலைதளம் ஆகியவற்றின் தலைமை செயல் அதிகாரியாக உள்ளார்.
கடந்த ஆண்டு அமெரிக்க அதிபர் தேர்தலில் டிரம்பை ஆதரித்து இவர் தீவிர பிரசாரம் செய்தார். டிரம்ப் அதிபராகப் பொறுப்பேற்ற பின் எலான் மஸ்க்கை சிறந்த நிர்வாகத்துக்கான துறைத்தலைவர் என்ற சிறப்புப் பதவியில் அமர்த்தினார்.
மஸ்க் இந்த பதவியில் 130 நாள் பணியாற்றுவதற்கு ஒப்புக் கொண்டிருந்தார். அவரின் பதவிக்காலம் இந்த மாத இறுதியில் முடிவடைகிறது.
