சீனாவில் பொதுமக்கள் நடமாட்டம் நிறைந்த சாலை, திடீரென உள்வாங்கிய வீடியோ வெளியாகியுள்ளது.
ஷாங்காய் நகரம் சீனாவின் பொருளாதார மற்றும் வர்த்தக தலைநகராக விளங்குகிறது. இதனால், அந்நகரின் சாலைகள் எப்போதும் அதிக மக்கள் நடமாட்டத்துடனும், போக்குவரத்து நெரிசலுடனும்தான் இருக்கும்.
இந்த சூழலில், ஷாங்காய் நகரின் சாலையில் கட்டுமானப் பணிகள் நடைபெற்று வந்தன. அப்போது அந்த சாலை திடீரென உள்வாங்கத் தொடங்கியது. இதனால் அதிர்ச்சியடைந்த பொதுமக்களும், தொழிலாளர்களும் அலறியடித்தபடி பாதுகாப்பான இடத்திற்கு ஓடினர்.
இந்த விபத்தில் கட்டுமான பொருட்கள் சாலைப் பள்ளத்தில் விழுந்த நிலையில், சில கட்டடங்களும் சேதமடைந்தன. சாலையை சீரமைக்கும் பணி முழு வீச்சில் நடைபெற்று வருகிறது.
