சென்னையில் வணிக பயன்பாட்டிற்கான சிலிண்டர் விலை 203 ரூபாய் உயர்ந்துள்ளது.
சர்வதேச சந்தையில் கச்சா எண்ணெயின் விலை மற்றும் அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றைக் கணக்கில் கொண்டு எண்ணெய் நிறுவனங்கள் பெட்ரோல், டீசல் மற்றும் சமையல் கியாஸ் சிலிண்டர்களின் விலைகளை நிர்ணயித்து வருகின்றன.
இதில் சமையல் கியாஸ் சிலிண்டர்களின் விலைகளை மாதத்தின் முதல் தேதியில் மாற்றி அமைக்கப்பட்டு வருகிறது. அந்த வகையில் 19 கிலோ எடை கொண்ட வணிக சிலிண்டர் 203 ரூபாய் உயர்ந்துள்ளது. இதனால் 2 ஆயிரத்து 43 ரூபாய் 50 காசாக இருந்த வணிக சிலிண்டர் தற்போது 2 ஆயிரத்து 246 ரூபாய் 50 காசாக உயர்ந்துள்ளது.
