நகைப் பிரியர்களை ஒவ்வொரு நாளும் கலக்கத்திலேயே வைத்திருக்கும் தங்கம் விலை, கடந்த இரண்டு நாட்களில் ஆயிரத்து 920 ரூபாய் சரிந்து சற்று ஆறுதலளித்துள்ளது.
அதன்படி, கடந்த சனிக்கிழமை சவரன் ஒரு லட்சத்து 16 ஆயிரத்து 480 ரூபாய்க்கு விற்பனை செய்யப்பட்ட ஆபரணத் தங்கத்தின் விலை, நேற்று 960 ரூபாய் சரிந்து ஒரு லட்சத்து 15 ஆயிரத்து 520 ரூபாய் என கீழிறங்கியது.
இந்நிலையில், இன்று மீண்டும் 960 ரூபாய் சரிந்ததன் மூலம், கடந்த இரண்டு நாட்களில் ஆபரணத் தங்கத்தின் விலை ஆயிரத்து 920 ரூபாய் சரிவை சந்துள்ளது.
இதன்மூலம், சென்னையில் இன்று ஆபரணத் தங்கத்தின் விலை ஒரு கிராம் 14 ஆயிரத்து 320 ரூபாய்க்கும், சவரன் ஒரு லட்சத்து 14 ஆயிரத்து 560 ரூபாய்க்கும் விற்பனை செய்யப்படுகிறது.
ஆனால், வெள்ளியின் விலை நேற்று கிராமுக்கு 15 ரூபாய் சரிந்த நிலையில், இன்று எவ்வித மாற்றமுமின்றி ஒரு கிலோ இரண்டு லட்சத்து 65 ஆயிரத்திற்கு விற்பனை செய்யப்படுகிறது.
