2026-27 ஆம் ஆண்டில் ஒரு லட்சத்து 79 ஆயிரத்து 809 கோடி ரூபாய் கடன் வாங்க திட்டமிட்டிருப்பதாக தமிழக அரசின் இடைக்கால நிதிநிலை அறிக்கையில் குறிப்பிடப்பட்டுள்ளது.
தமிழக சட்டப் பேரவையில் இடைக்கால நிதிநிலை அறிக்கை தாக்கல் செய்யப்பட்டது. இதில், மத்திய அரசு நிர்ணயிக்கும் ஒட்டுமொத்த கடன் வரம்பின் அடிப்படையில் கடன்பெறுதலும், திரும்பச் செலுத்துதலும் மதிப்பிடப்பட்டுள்ளதாக கூறப்பட்டுள்ளது.
அதன்படி, 2026-27 ஆம் ஆண்டில் ஒரு லட்சத்து 79 ஆயிரத்து 809 கோடி ரூபாய் கடன் வாங்க திட்டமிட்டிருப்பதாக குறிப்பிடப்பட்டுள்ளது.
மேலும் 60 ஆயிரத்து 143 கோடி ரூபாய் மதிப்பிலான பொதுக் கடனை அரசு திருப்பிச் செலுத்தும் என்றும் தெரிவிக்கப்பட்டுள்ளது.
இதன் மூலம் 2027 ஆம் ஆண்டு மார்ச் மாதத்தில் தமிழக அரசின் மொத்த கடன் 10 லட்சத்து 71 ஆயிரத்து 770 கோடி ரூபாயாக இருக்கும் எனவும் கணிக்கப்பட்டுள்ளது.
