சேலம் மாவட்ட திமுகவில் சுற்றுலாத்துறை அமைச்சர் ராஜேந்திரனுக்கு எதிராக, மூத்த நிர்வாகிகள் அணிதிரள்வது கட்சிக்குள் சலசலப்பை ஏற்படுத்தியுள்ளது.
சேலத்தில் திமுக-வின் மூத்த நிர்வாகியான வீரபாண்டி ஆறுமுகம் மறைவுக்குப் பின், அமைச்சர் ராஜேந்திரன் மாவட்டத்தின் கட்சி பொறுப்புகளை ஏற்று நடத்தி வருகிறார். இந்த சூழலில் அமைச்சர் ராஜேந்திரன் தலைமையில் அவரது ஆதரவாளர்கள் மற்றும் எதிர்ப்பாளர்கள் என இரு அணிகள் செயல்பட்டு வருகின்றன.
இதற்கிடையே சட்டப்பேரவை தேர்தல் நெருங்கி வரும் சூழலில் தற்பொது, அமைச்சர் ராஜேந்திரனின் எதிர்ப்பாளர்கள் வெண்ணங்குடி பகுதியில் அணிதிரண்டு கேக் வெட்டி கொண்டாடியதுடன், ஆயிரக்கணக்கானோருக்கு அசைவ விருந்து வழங்கியதாக தெரிகிறது.
இதில் முன்னாள் எம்.எல்.ஏ தமிழரசு உள்ளிட்ட பலர் கலந்து கொண்டதாக கூறப்படுகிறது. இந்த நிகழ்வு தொடர்பான வீடியோக்கள் சமூக வலைதளங்களில் வைரலாகி வரும் நிலையில், கட்சிக்குள் சலசலப்பு நீடித்து வருகிறது.
