காங்கிரஸ் எம்பியும், மக்களவை எதிர்க்கட்சி தலைவருமான ராகுல் காந்தி கடந்த 22 ஆண்டுகளில் மேற்கொண்ட 54 வெளிநாட்டுப் பயணங்களுக்கான நிதி ஆதாரங்கள் எங்கிருந்து வந்தன என பாஜக எம்பி சம்பித் பத்ரா கேள்வி எழுப்பி உள்ளார்.
இது தொடர்பாக பாஜக எம்பி சம்பித் பத்ரா வெளியிட்டுள்ள அறிக்கையில், நம் நாட்டின் எதிர்க்கட்சித் தலைவர் ராகுல் எங்கே பயணம் செய்கிறார், அவர் யாரைச் சந்திக்கிறார். இந்தப் பயணங்களுக்கு யார் நிதி அளிக்கின்றனர் என அடுக்கடுக்காக கேள்வி எழுப்பியுள்ளார்.
2004-2026 வரை 54 முறை வெளிநாடுகளுக்கு பயணம் மேற்கொண்டதற்கு 60 கோடி ரூபாய் செலவிடப்பட்டுள்ளதாகவும், இந்தப் பயணங்கள் பொதுவெளியில் பகிரங்கப்படுத்தப்பட்டாலும், அவற்றுக்கான நிதி ஆதாரங்கள் எங்கிருந்த வந்தன எனவும் வினவியுள்ளார்.
மேலும், ராகுல் காந்தியின் பயண செலவு வெளிப்படைத்தன்மை மற்றும் தேசியப் பாதுகாப்பு சம்பந்தப்பட்ட விஷயம் எனக்கூறியுள்ள அவர், தேர்தலுக்கான வேட்புமனுவில் ராகுல் காந்தி குறிப்பிட்டுள்ள தொகையைவிட அவரது பயண செலவு அதிகமாக உள்ளது என தெரிவித்துள்ளார்.
