ரஷ்யா – சீனா இடையே பல்வேறு துறைகள் சார்ந்த 20 முக்கிய ஒப்பந்தங்கள் கையெழுத்தாகியுள்ளது உலகரங்கில கவனம் பெற்றுள்ளது.
ரஷ்ய அதிபர் புதின், சீன அதிபர் ஜி ஜின்பிங் இருவரும் சீன தலைநகரான பெய்ஜிங்கில் சந்தித்து பல்வேறு விவகாரங்கள் குறித்து பேச்சுவார்த்தை நடத்தினர். பின்னர் இருவரும் 20 புரிந்துணர்வு ஒப்பந்தங்களில் கையெழுத்திட்டனர்.
அதன்படி, அமெரிக்க டாலருக்கு மாற்றாக ரஷ்யாவின் ரூபிள் மற்றும் சீனாவின் யுவான் ஆகிய நாணயங்களில் இருதரப்பு வர்த்தகம் மேற்கொள்ள முடிவு செய்யப்பட்டுள்ளது.
சீனாவுக்கு ரஷ்யா வழங்கி வரும் கச்சா எண்ணெய் மற்றும் இயற்கை எரிவாயு விநியோகத்தை அதிகரிக்கவும், விண்வெளி மற்றும் செயற்கை நுண்ணறிவு துறைகளில் இணைந்து செயல்படவும் ஒப்பந்தமிடப்பட்டுள்ளது.
எரிப்பொருட்களை எடுத்துச்செல்ல இரு நாடுகள் இடையே நிலையான வர்த்தக வழித்தடங்களை அமைக்கவும் முடிவு செய்யப்பட்டுள்ளது. அதேபோல், ரஷ்யாவை சேர்ந்த ரொசாட்டம் என்ற நிறுவனம், சீனாவில் உள்ள அணுமின் நிலையங்களில் புதிய மின் உற்பத்தி அலகுகளை அமைத்து தரும் எனவும் ஒப்பந்தத்தில் தெரிவிக்கப்பட்டுள்ளது.
