வணிக சிலிண்டர் விலையை எண்ணெய் நிறுவனங்கள் மீண்டும் உயர்த்தியுள்ளன.
ஈரான் மீது அமெரிக்கா தாக்குதல் நடத்தியதில் இருந்து கச்சா எண்ணெய், சமையல் எரிவாயு கிடைப்பதில் சிக்கல் நீடித்து வருகிறது. தட்டுப்பாட்டை சமாளிக்க வணிக பயன்பாட்டுக்கான சிலிண்டர் விநியோகத்தை குறைத்து, வீட்டு உபயோகத்துக்கான சிலிண்டரை தடையில்லாமல் மத்திய அரசு விநியோகம் செய்து வருகிறது.
வணிக பயன்பாட்டுக்கான சிலிண்டர் விநியோகத்தை எண்ணெய் நிறுவனங்கள் சற்று அதிகரித்தாலும், மாதந்தோறும் விலையை உயர்த்தி வருகின்றன. அந்த வகையில், நடப்பு மாதத்திற்கான வணிக சிலிண்டர் விலை 46 ரூபாய் உயர்ந்து 3 ஆயிரத்து 283 ஆக நிர்ணயம் செய்யப்பட்டுள்ளது. வீட்டு உபயோக சிலிண்டரில் எந்த மாற்றமும் செய்யப்படவில்லை என எண்ணெய் நிறுவனங்கள் தெரிவித்துள்ளன.
