தேர்தல் பிரச்சாரத்தில் குழந்தைகளை ஈடுபடுத்தியது அரசியல் உள்நோக்கம் கொண்டது என சென்னை உயர்நீதிமன்றம் அதிருப்தி தெரிவித்துள்ளது.
தேர்தலில் குழந்தைகள் மூலம் பிரச்சாரம் செய்து சேலம் வடக்கில் வெற்றி பெற்ற தவெக எம்எல்ஏ ராஜேந்திரனின் வெற்றியை செல்லாது என அறிவிக்கக்கோரி, திமுக வேட்பாளர் சிவகுமார் தொடர்ந்த வழக்கு, நீதிபதி பரத சக்ரவர்த்தி முன் விசாரணைக்கு வந்தது.
அப்போது, குறிப்பிட்ட கட்சிக்கு வாக்களிக்க வேண்டும் என குழந்தைகளை வைத்து ரீல்ஸ் ஆக்கி பரப்பியது மலிவான அரசியல் செயல் என்றும்,
இது பெற்றோரின் வளர்ப்பு முறையின் பலவீனத்தையே காட்டுவதாகவும் வேதனை தெரிவித்தார்.
குழந்தைகளை தேர்தல் பிரச்சாரத்தில் பயன்படுத்த தடை செய்வதா? என்பதை நாடாளுமன்றத்தில் தான் விவாதித்து முடிவெடுக்க முடியும் என நீதிபதி தெரிவித்தார்.
குழந்தைகளின் பிடிவாதத்தைக் காரணம் காட்டி பெரியவர்கள் வாக்களித்திருந்தாலும், அது அவர்களின் சொந்த முடிவாகவே அமையும் என்பதால்,
இது மக்கள் பிரதிநிதித்துவச் சட்டத்தின்படி சட்டவிரோத செல்வாக்கு செலுத்துதல் என்ற குற்றச்சாட்டின் கீழ் வராது என்றும் குறிப்பிட்டார்.
குழந்தைகளை இதுபோன்ற செயல்களில் ஈடுபடுத்துவதும், ரீல்ஸ் செய்வதும் நாகரிகமற்ற செயல் என்றாலும்,
தற்போதுள்ள தேர்தல் விதிகளின்படி தேர்தலை ரத்து செய்ய இது போதிய காரணமாக அமையாது எனக்கூறி திமுக வேட்பாளரின் மனுவை தள்ளுபடி செய்தார்.
