திருவண்ணாமலை கோயிலில் இஸ்லாமிய நபருக்கு அனுமதி அளித்த சம்பவத்தை தொடர்ந்து திருவண்ணாமலையிலும் இப்படி விதிமீறல் நடப்பது பெரிய மாற்றத்திற்கான ஒத்திகையா என இந்து அமைப்பினர் கேள்வி எழுப்பியுள்ளனர்.
திருவண்ணாமலை அண்ணாமலையார் கோயிலில் கார்த்திகை தீப திருவிழா முன்னேற்பாடுகள் குறித்து இருதினங்களுக்கு முன்பு அமைச்சர்கள் ரமேஷ், ஆதவ் அர்ஜுனா உள்ளிட்டோர் ஆய்வு செய்தனர். அப்போது, செய்தியாளர்களுக்கு கோயிலுக்குள் அனுமதி மறுக்கப்பட்ட நிலையில், இஸ்லாமிய நபர் அனுமதிக்கப்பட்ட சம்பவம் சர்ச்சையை ஏற்படுத்தியது. இந்த சம்பவத்திற்கு இந்து அமைப்பினர் கடும் கண்டனம் தெரிவித்துள்ளனர். அறநிலையத்துறையின் இத்தகைய செயல்பாடுகள், பக்தர்களின் நம்பிக்கையையும், நிர்வாகத்தின் நம்பகத்தன்மையையும் பாதிக்கும் என தெரிவித்துள்ளனர். செய்தியாளர்களுக்கு அனுமதி மறுக்கப்பட்ட காரணத்தையும், இஸ்லாமிய நபருக்கு எந்த அடிப்படையில் கோயிலுக்குள் அனுமதிக்கப்பட்டார் என்பதையும் தெளிவுபடுத்த வேண்டும் எனவும் வலியுறுத்தியுள்ளனர். மதுரையை தொடர்ந்து திருவண்ணாமலையில் நடப்பது பெரிய மாற்றத்திற்கான ஒத்திகையா என கேள்வி எழுப்பியுள்ள இந்து அமைப்பினர், கோயில் மரபுகளை பின்பற்றாத அறநிலையத்துறை, அறமற்ற துறையாக செயல்படுகிறது என விமர்சித்துள்ளனர்.
