நீலகிரி மாவட்டத்தில் பெய்து வரும் கனமழையால், குன்னூர்–மேட்டுப்பாளையம் தேசிய நெடுஞ்சாலையில் பர்லியார் பகுதியில் மண்சரிவு ஏற்பட்டு போக்குவரத்து பாதிக்கப்பட்டுள்ளது.
மண்சரிவால் குன்னூர் முதல் மேட்டுப்பாளையம் வரையிலான சாலையில் போக்குவரத்து தற்காலிகமாக நிறுத்தப்பட்டு, மாற்றுப்பாதையாக கோத்தகிரி–மேட்டுப்பாளையம் சாலையைப் பயன்படுத்த அறிவுறுத்தப்பட்டுள்ளது.
இதனிடையே, மண்சரிவால் சாலையில் ஏற்பட்ட பாதிப்புகளை அகற்றும் பணியில் நெடுஞ்சாலைத் துறையினர் மற்றும் தீயணைப்புத் துறையினர் ஈடுபட்டு வருகின்றனர்.
மேலும், கனமழை எச்சரிக்கையால், உதகை, குன்னூர் உள்ளிட்ட ஆறு வட்டங்களில் பள்ளிகளுக்கு விடுமுறை அறிவிக்கப்பட்டுள்ளது. கடந்த 24 மணி நேரத்தில் பர்லியாரில் அதிகபட்சமாக 25 சென்டிமீட்டர் மழை பதிவாகியுள்ளது குறிப்பிடத்தக்கது.
