U -19 ஆசியக் கோப்பை ஆப்கானிஸ்தானுக்கு எதிரான ஆட்டத்தில் 7 விக்கெட் வித்தியாசத்தில் இந்திய அணி வெற்றி பெற்றது.
10 வது ஜூனியர் ஆசியக் கோப்பை கிரிக்கெட் தொடர் இன்று துபாயில் தொடங்கியது. முதல் போட்டியில் இந்தியா மற்றும் ஆப்கானிஸ்தான் அணிகள் இன்று மோதியது. டாஸ் வென்ற இந்திய அணி முதலில் பந்துவீச்சை தேர்வு செய்தது. அதன்படி ஆப்கானிஸ்தான் அணி முதலில் பேட்டிங் செய்தது.
ஆப்கானிஸ்தான் அணியின் தொடக்க வீரர்களாக ஜம்ஷித் சத்ரன் மற்றும் வஃபியுல்லா தாரகில் களமிறங்கினர். 3 வது ஓவரில் வஃபியுல்லா தாரகில் 15 ரன்களில் ஆட்டமிழந்தார்.
அடுத்ததாக களமிறங்கிய சோஹில் கான் 12 ரன்களுக்கு ஆட்டமிழக்க சிறப்பாக விளையாடி வந்த தொடக்க வீரர் ஜம்ஷித் சத்ரன் 45 ரன்களுக்கு ஆட்டமிழந்து அரைசதம் வாய்ப்பை தவறவிட்டார். பின்பு களமிறங்கிய அக்ரம் முகமதுசாய் 20 ரன்களும் நுமன் ஷா 25 ரன்களும் எடுத்து ஆட்டமிழந்தனர். பின்பு களமிறங்கிய முகமது யூனுஸ் 26 ரன்கள் எடுத்து ஆட்டமிழந்தார்.
மற்ற வீரர்கள் சொற்ப ரன்களில் ஆட்டமிழக்க 50 ஓவர்கள் முடிவில் ஆப்கானிஸ்தான் அணி அனைத்து விக்கெட்களையும் இழந்து 173 ரன்கள் மட்டுமே எடுத்தது.
இந்திய அணியில் அதிகபட்சமாக ராஜ் லிம்பானி மற்றும் அர்ஷின் குல்கர்னி ஆகியோர் தலா 3 விக்கெட்களை வீழ்த்தினர். நமன் திவாரி 2 விக்கெட்களும், முருகன் மற்றும் முஷீர் கான் தலா 1 விக்கெட்களும் வீழ்த்தினர்.
இதனைத் தொடர்ந்து 174 ரன்கள் எடுத்தால் வெற்றி என்ற இலக்குடன் இந்திய அணியின் தொடக்க வீரர்கள் ஆதர்ஷ் சிங் மற்றும் அர்ஷின் குல்கர்னி களமிறங்கினர். 3 வது ஓவரில் ஆதர்ஷ் சிங் 14 ரன்களில் ஆட்டமிழந்தார். இவரைத் தொடர்ந்து களமிறங்கிய ருத்ரா படேல் 5 ரன்களுக்கு ஆட்டமிழந்தார்.
இவரைத் தொடர்ந்து உதய் சஹாரன் மாக 20 ரன்களில் அவுட் ஆனார். இவரைத் தொடர்ந்து முஷீர் கான் களமிறங்கினார். முஷீர் கான் மற்றும் அர்ஷின் குல்கர்னி இவர்கள் இருவரின் கூட்டணி சிறப்பாக விளையாடி வந்தது. இதில் அர்ஷின் குல்கர்னி 105 பந்துகளில் 70 ரன்கள் எடுத்து கடைசிவரை ஆட்டமிழக்காமல் இருந்தார். அதேபோல் முஷீர் கான் 53 பந்துகளில் 48 ரன்களை எடுத்து கடைசிவரை ஆட்டமிழக்காமல் இருந்தார்.
இறுதியாக இந்திய அணி 38 வது ஓவரில் 3 விக்கெட்கள் இழப்பிற்கு 174 ரன்களை எடுத்து வெற்றி பெற்றது. ஆப்கானிஸ்தான் அணியில் அதிகபட்சமாக பஷீர் அகமது, வஹிதுல்லாஹ் சத்ரன் மற்றும் கலீல் அகமது ஆகியோர் தலா 1 விக்கெட்டை வீழ்த்தினார்.
