ஆப்கானிஸ்தானுக்கு எதிரான டி20-யின் முதல் போட்டியில் இருந்து விராட் கோலி விலகியதற்கு என்ன காரணம் என்ற தகவல் வெளியாகியுள்ளது.
ஆப்கானிஸ்தான் கிரிக்கெட் அணி இந்தியாவில் சுற்றுப்பயணம் மேற்கொள்ளவுள்ளது. இந்தியா, ஆப்கானிஸ்தான் அணிகளுக்கிடையே மூன்று போட்டிகள் கொண்ட டி20 தொடர் நடைபெறவுள்ளது.
இப்போட்டியானது வரும் 11ஆம் தேதி தொடங்கவுள்ளது. இந்த தொடரின் முதல் போட்டி 11 ஆம் தேதி மொகாலியிலும், 2வது போட்டி வரும் 14 ஆம் தேதி இந்தூரிலும், 3வது போட்டி வரும் 17ஆம் தேதி பெங்களூருவிலும் நடைபெறவுள்ளது.
இந்த தொடருக்கான இந்திய அணி சமீபத்தில் வெளியிடப்பட்டது. ரோகித் மற்றும் விராட் கோலி டி20 தொடரில் விளையாட விருப்பம் தெரிவித்த நிலையில் அவர்கள் இந்த தொடரில் இடம் பெற்றனர்.
இந்நிலையில் நேற்று இந்திய அணியின் பயிற்சியாளர் ராகுல் டிராவிட் செய்தியாளர்களை சந்தித்த போது, ஆஃப்கானிஸ்தான் அணிக்கு எதிரான முதல் டி20 போட்டியில் விராட் கோலி விளையாட மாட்டார் என்று தெரிவித்தார்.
மேலும் அவர் தனிப்பட்ட காரணங்களுக்காக சென்றதாக கூறப்பட்டது. அது என்ன கரணம் என்று தற்போது தெரியவந்துள்ளது. அதில் தனது குழந்தையின் 3வது பிறந்தநாள் கொண்டாட்டத்தில் பங்கேற்பதற்காகவே , ஆஃப்கானிஸ்தான் அணிக்கு எதிரான முதல் டி20 போட்டியில் இருந்து விலகியுள்ளது தெரிய வந்துள்ளது.
இந்நிலையில் ரசிகர்கள் சமூக வலைதளத்தில் அவரின் குழந்தைக்கு வாழ்த்து தெரிவித்து வருகின்றனர்.
