அமைச்சர் மனோ தங்கராஜ் உடன் இருக்கும் பெண்கள், முதலமைச்சரின் பெயரை சொல்லி பலரிடம் லட்சக்கணக்கில் பண மோசடியில் ஈடுபட்டதாக அவரது சகோதரர் ஜெயன் தங்கராஜ் வெளியிட்டுள்ள வீடியோ இணையத்தில் வைரலாகி வருகிறது.
பூர்வீக சொத்து காரணமாக சகோதரர்கள் இடையே மோதல் போக்கு நிலவி வரும் நிலையில், நாள்தோறும் அமைச்சர் மனோ தங்கராஜுக்கு எதிரான வீடியோக்களை அவரது சகோதரர் ஜெயன் தங்கராஜ் இணையத்தில் வெளியிட்டு வருகிறார்.
அந்த வகையில், அமைச்சர் மனோ தங்கராஜ் குறித்து அவரது சகோதரர் ஜெயன் தங்கராஜ் மேலும் ஒரு வீடியோவை வெளியிட்டுள்ளார்.
இந்த வீடியோ தற்போது சமூக வலைதளங்களில் வைரலாகி வருகிறது. இந்த வீடியோவில், அமைச்சர் மனோ தங்கராஜுடன் பயணிக்கும் பெண்கள் முதலமைச்சர், கனிமொழி உள்ளிட்ட திமுக பிரமுகர்களின் பெயர்களை கூறி வேலை வாங்கி தருவதாகவும், சீட்டு நடத்தியும் பலரிடம் பல லட்சம் ரூபாய் மோசடியில் ஈடுபட்டுள்ளதாக தெரிவித்துள்ளார்.
