தனியார் பள்ளிகளுக்கு அங்கீகாரம் பெற்றுத் தருவதாக கூறி ரூ.400 கோடி லஞ்ச வாங்கியதாக தொடரப்பட்ட வழக்கில் முன்னாள் பள்ளிக்கல்வித்துறை அமைச்சர் அன்பில் மகேஷ் கைது செய்யப்பட்டுள்ளார்.
இந்த வழக்கில் ஜாமின் கேட்டு அவர் தாக்கல் செய்துள்ள மனு லஞ்ச ஒழிப்பு வழக்குகளை விசாரிக்கும் சிறப்பு நீதிமன்றத்தில் நீதிபதி சத்திய மூர்த்தி முன்பு விசாரணைக்கு வந்தது.
அப்போது அன்பில் மகேஸ் தரப்பு, 20 ஆண்டுகளுக்கு அங்கீகாரம் வழங்கும் அரசாணையில் கூடுதல் செயலாளர் தான் கையெழுத்திட்டுள்ளார் என்றும்,
அது அதிகாரிகள் கூட்டாக எடுத்த முடிவு என்றும் தெரிவிக்கப்பட்டது. மேலும், லஞ்சம் கொடுத்ததாக ஒப்புக்கொண்ட தனியார் பள்ளி நிர்வாகிகளைக் கைது செய்யாமல் சாட்சிகளாக சேர்த்திருப்பது சட்டவிரோதமானது என்றும் வாதிடப்பட்டது.
தனியார் பள்ளிகளிடம் வசூலிக்கப்பட்ட பணம் அன்பில் மகேஸின் வீட்டிற்கு கொண்டு செல்லப்பட்டதற்கான வீடியோ ஆதாரம் உள்ளதாகவும், சரவணன் தலைமறைவாக இருப்பதாலும், புதிய ஆதாரங்கள் கிடைத்துள்ளதால் மீண்டும் காவலில் எடுத்து விசாரிக்க வேண்டியுள்ளதாலும் ஜாமின் வழங்கக் கூடாது என அரசுத் தரப்பில் கடும் எதிர்ப்பு தெரிவிக்கப்பட்டது.
இரு தரப்பு வாதங்களையும் கேட்ட சிறப்பு நீதிமன்ற நீதிபதி எல்.எஸ்.சத்தியமூர்த்தி, அன்பில் மகேஸின் ஜாமின் மனு மீதான தீர்ப்பை நவம்பர் 10-ஆம் தேதிக்கு ஒத்திவைத்து உத்தரவிட்டார்.
