நாடாளுமன்றத்தை நடத்த விடாமல் குழப்பவாதி போல ராகுல்காந்தி செயல்படுவதாக மத்திய உள்துறை அமைச்சர் அமித்ஷா விமர்சித்துள்ளார்.
தேர்தல் ஆணையர் பதவி விலகக்கோரி போராடி வரும் இண்டி கூட்டணிக்கு பதிலடி கொடுக்கும் விதமாக, ‘ஜனநாயகத்தை பாதுகாப்போம்’ என்ற பெயரில் பாஜக சார்பில் பேரணி நடத்தப்பட்டு வருகிறது. ஹரியானாவின் கர்னல் பகுதியில் நடந்தப் பேரணியை உள்துறை அமைச்சர் அமித் ஷா துவக்கி வைத்து, பேரணியில் பங்கேற்றார். மத்திய அமைச்சர் மனோஹர் லால் கட்டார், முதல்வர் நயப் சிங் சைனி உள்ளிட்டோர் பங்கேற்றனர்.
முன்னதாக மேடையில் பேசிய மத்திய உள்துறை அமைச்சர் அமித் ஷா, ஜனநாயக நாட்டில் நாடாளுமன்றத்தில் விவாதம் நடத்தப்பட வேண்டும், ஆனால், காங்கிரஸ் அடங்கிய எதிர்க்கட்சியினர் நாடாளுமன்றத்தை முடக்கி வருவதாக குற்றஞ்சாட்டினார். நாடாளுமன்றத்தை நடத்த விடாமல் குழப்பவாதி போல ராகுல் செயல்படுவதாக விமர்சித்த அமித்ஷா, காங்கிரஸ் ஒப்புக் கொண்டால், எஸ்ஐஆர் பற்றி விவாதிக்க நாடாளுமன்ற சிறப்பு அமர்வை நடத்தவும் தயாராக இருப்பதாகவும் குறிப்பிட்டார்.
