சென்னை பல்கலைக்கழகத்தின் சிண்டிகேட் கூட்டத்தில், இணைப்புக் கல்லூரிகளில் எம்.ஏ கிறிஸ்தவப் படிப்புகளுக்கு அங்கீகாரம் வழங்குவது தொடர்பான தீர்மானம் விவாதிக்கப்பட உள்ளதாக துக்ளக் டிஜிட்டல் தெரிவித்துள்ளது.
இது தொடர்பாக எக்ஸ் பக்கத்தில் துக்ளக் ஆசிரியர் குருமூர்த்தி வெளியிட்டுள்ள பதிவில், பல்கலைக்கழகத்திற்கு மட்டுமே இத்தகைய படிப்புகளுக்கு அங்கீகாரம் வழங்க அதிகாரம் உள்ளதாகவும், இணைப்புக் கல்லூரிகளுக்கு அந்த அதிகாரம் இல்லை எனவும் குறிப்பிடப்பட்டுள்ளது.
முதலமைச்சர் விஜய் தலைமையிலான தமிழக அரசு கிறிஸ்தவ அரசாகச் செயல்படுவதாகக் குற்றம்சாட்டியுள்ள அவர், சட்டவிரோத மசூதிகள் மற்றும் தேவாலயங்களுக்குப் பட்டா வழங்கப்படும் என்ற அறிவிப்பையும் சுட்டிக்காட்டி விமர்சித்துள்ளார்.
இந்துக்களைப் பொறுத்தவரை, தற்போதைய அரசு திமுக அரசைவிட மோசமாகச் செயல்படுவதாகவும் குற்றம்சாட்டியுள்ளார். மேலும், பல்கலைக்கழக வேந்தரான தமிழக ஆளுநர் இந்த விவகாரத்தில் தலையிட்டு, மதமாற்ற முயற்சிகளை தடுத்து நிறுத்த வேண்டும் என குருமூர்த்தி வலியுறுத்தியுள்ளார்.
