மாயமான மீனவர்களின் குடும்பத்தினர் மற்றும் அதிகாரிகளுடன் அமைச்சர் மரிய வில்சன் ஆந்திரா செல்கிறார்.
சென்னை காசிமேடுவை சேர்ந்த செல்வழகன் என்பவருக்கு சொந்தமான விசைப்படகில் 9 மீனவர்கள் ஆழ்கடலுக்கு மீன் பிடிக்க சென்றபோது முரசு புயல் காணமாக படகு கவிழ்ந்து நடுக்கடலில் மாயமாகினர். இந்நிலையில் ஆந்திர மாநிலம் கோத்தாபுரம் கடற்கரை பகுதியில் சடலங்கள் கரை ஒதுங்கி இருப்பதால் மீனவர்களின் குடும்பத்தினர் கலக்கத்தில் உள்ளனர். இதற்கிடையில் காசிமேடு மீன்பிடி துறைமுகம், காவல் நிலையம் மற்றும் மீன்வளத்துறை அதிகாரிகள் அலுவலகம் முன்பு மாயமான மீனவர்களின் குடும்பத்தினர் சாலை மறியலில் ஈடுபட்டனர். மீன்வளத்துறை அதிகாரிகள் அவர்களை சமாதானம் செய்த நிலையில் 9 பேரின் குடும்பங்களை அமைச்சர் மரிய வில்சன் நேரில் சந்தித்து ஆறுதல் தெரிவித்தார்.
பின்னர் செய்தியாளர்களிடம் பேசிய அவர், மாயமான மீனவர்களின் குடும்பத்தினர் மற்றும் அதிகாரிகளுடன் ஆந்திராவிற்கு செல்வதாகவும், மீன்வளத்துறை அமைச்சர் வருகிறாரோ இல்லையோ தான் முதலில் சென்று விடுவேன் என்றும் கூறினார். தவறு நடந்திருக்கும் பட்சத்தில் அதிகாரிகள் மீது உரிய நடவடிக்கை எடுக்கப்படும் என்றும் அமைச்சர் மரிய வில்சன் உறுதியளித்தார்.
