வசூலை வாரிக்குவித்து வரும் மஞ்சும்மல் பாய்ஸ் திரைப்படம் வெளியான நிலையில், கொடைக்கானலில் சுற்றுலா பயணிகள் குவிந்து வருகின்றனர்.
அண்மையில் சினிமா துறையில் மூன்று பெரிய படங்கள் வெளியானது. அதில் ஒன்று மஞ்சும்மல் பாய்ஸ் திரைப்படம். இந்த படம் வெளியான 12 நாட்களில் ரூ.100 கோடி வசூலாகி சாதனை படைத்தது.
சிதம்பரம் இயக்கிய இந்த படம் 11 நண்பர்களைச் சுற்றி நடக்கும் சர்வைவல் த்ரில்லர் படமாகும். கொடைக்கானலில் உள்ள குணா குகைகளில் கடந்த 2006 -ம் ஆண்டு நடந்த உண்மைச் சம்பவத்தை அடிப்படையாகக் கொண்டு படமாக்கப்பட்டுள்ளது. குணா படத்தில் ,இசையமைப்பாளர் இசை அமைத்த கன்மணி அன்போடு காதலன் என்ற பாடல் இளசுகள் மத்தியில் தற்போது மிக பிரபலம் அடைந்துள்ளது.
இதனால், இந்த படத்தில் வரும் குணா குகையைப் பார்க்க வேண்டும் என்ற ஆர்வத்தில், தமிழ்நாடு மற்றும் கேரளாவில் இருந்து குணா குகைக்கு மக்கள் படையெடுத்த வண்ணம் உள்ளனர். இதனால், கொடைக்கானலில் சுற்றுலாபயணிகள் கூட்டம் அலைமோதுகிறது.
