பட்ஜெட்டில் தங்கம் மீதான சுங்க வரி குறைக்கப்பட்ட நிலையில், சென்னையில் 3வது நாளாக தங்கம் விலை குறைந்து விற்பனையாகிறது.
நாடாளுமன்றத்தில் பட்ஜெட் தாக்கல் செய்யப்பட்ட நிலையில் தங்கம், வெள்ளி நகைகளுக்கு 6 சதவீதமும், பிளாட்டினம் நகைகளுக்கு 6 புள்ளி 4 சதவீதமும் சுங்க வரி குறைக்கப்பட்டது. இதனையடுத்து வரி குறைக்கப்பட்ட முதல் நாளில் தங்கம் விலை சவரனுக்கு 2 ஆயிரத்து 80 ரூபாய் குறைந்தது.
இந்நிலையில் 3வது நாளாக தங்கம் விலை குறைந்துள்ளது. அதன்படி ஒரு சவரன் தங்கம் 480 ரூபாய் குறைந்து 51 ஆயிரத்து 440 ரூபாய்க்கு விற்பனை செய்யப்படுகிறது. கிராமுக்கு 60 ரூபாய் குறைந்து 6 ஆயிரத்து 430 ரூபாய்க்கு விற்பனை செய்யப்பட்டு வருகிறது.
அதே போல வெள்ளியின் விலையும் கிராமுக்கு 3 ரூபாய் குறைந்து 89 ரூபாய்க்கு விற்பனை செய்யப்படுகிறது. ஒரு கிலோ வெள்ளியின் விலை 89 ஆயிரம் ரூபாய்க்கு விற்பனை செய்யப்பட்டு வருகிறது.
