அஸ்ஸாம் 2,200 கோடி ரூபாய் பங்கு வர்த்தக மோசடியில் மூளையாக செயல்பட்ட நடிகை சுமி போரா தமது கணவர் தர்கிக் போராவுடன் திப்ரூகர் போலீஸில் சரணடைந்தார்.
அஸ்ஸாமில் பிஷால் புகான் என்பவர் முதலீட்டு நிறுவனம் தொடங்கி, தன்னிடம் முதலீடு செய்தால் 30 சதவீதம் வட்டி தருவதாக கூறி ஏராளமானவர்களிடம் பணமோசடி செய்ததாக தெரிகிறது.
இதற்கு நடிகை சுமி போராவும் அவரது கணவரும் உடந்தையாக இருந்ததாக கூறப்படுகிறது. இந்த மோசடி மூலம் சுமி போரா 20 கோடி பெற்றதாக குற்றச்சாட்டு எழுந்தது. இதனால் விசாரணைக்கு ஆஜராகுமாறு அவருக்கு போலீஸார் சம்மன் அனுப்பிய நிலையில், தனது கணவருடன் சுமி போரா சரணடைந்துள்ளார்.
