பத்து கோடி உறுப்பினர்களைக் கொண்ட கட்சியாக பாஜக உருவெடுத்துள்ளது.
பாரதிய ஜனதா கட்சியின் உறுப்பினர் சேர்க்கைப் பணி தீவிரமாக நடைபெற்று வருகிறது. கடந்த 11ஆம் தேதி தொடங்கிய உறுப்பினர் சேர்க்கை பணி அக்டோபர் இறுதி வரை நடைபெற உள்ளது.
உறுப்பினர் சேர்க்கை முடிந்ததும், அந்த படிவங்கள் மீதான பரிசீலனைகள் குறித்த பணிகளை நவம்பர் 1 முதல் 5ஆம் தேதி வரை மேற்கொள்ள திட்டமிடப்பட்டுள்ளது.
ஆன்லைன் வழியாக மட்டுமின்றி நேரடியாக உறுப்பினர்கள் சேர்க்கப்பட்டு வருகின்றனர்.
இந்நிலையில் சாதனை அளவாக நேற்று உறுப்பினர்களின் எண்ணிக்கை 10 கோடி என்ற இலக்கை எட்டியது. இதை, மேலும் தீவிரப்படுத்தும் நடவடிக்கைகள் முடுக்கிவிடப்பட்டு, அடுத்த கட்டமாக 11 கோடி உறுப்பினர்கள் என்ற இலக்கை எட்டுவது என்றும் முடிவெடுக்கப்பட்டுள்ளது. உறுப்பினர் சேர்க்கை குறித்த பயிலரங்கம் டெல்லியில் உள்ள பாஜக தலைமை அலுவலகத்தில் நேற்று நடைபெற்றது.